The Forum

MAYNILA — Nasungkit ng Pilipinas ang pwestong third-runner up sa ginanap na Reina Hispanoamericana 2021 pageant sa Bolivia. Sa kanyang Instagram story, nagpasalamat si Vera sa suportang kanyang natanggap. "Pilipinas, we did it! Maraming salamat sa mga sumuporta, sa lahat ng pagmamahal na ibinigay niyo sa akin." aniya. Dagdag pa ni Vera, hindi na siya makapaghintay na bumalik sa bansa. "By the grace of God and with the loving support of my country, we're here, we made it, and I hope I made you proud! That was my only goal. To make my country proud." Binati naman ng Miss World Philippines Organization si Vera at pinasalamatan si Miss Dominican Republic sa pagtatranslate ng sagot nito noong Q&A portion. "Congratulations to our very own Emmanuelle Vera (@emmanuellevera) for placing as Tercera Finalista (3rd Runner-Up) in the Reina Hispanoamericana 2021!" pahayag nila. "We are so proud of you! You represented our country very well. Thank you for raising the flag of the Filipinas. Mabuhay ka! " dagdag pa nito. Samantala, si Andrea Bazarte ng Mexico ang nakasungkit ng titulo at nakakuha ng korona. Sanggunian: Philstar Life Kuha ang larawan mula sa Facebook page ng Miss World Philippines Organization Ibinalita ni: Rickie Cathleen Javier

MAYNILA — Dinagsa ng mga nais bumisita sa kanilang mga yumaong mahal sa buhay ang sementeryo bago ito isara sa panahon ng undas. Matatandaang una nang isinagawa ang pagsasara ng mga sementeryo noong Undas 2020 upang maiwasan ang hawaan ng COVID-19. Ayon sa Manila Police District, higit sa 20,000 katao ang bumisita sa Manila North Cemetery ngayong linggo. Sa pagpasok sa mga sementeryo, kinukuha ang pangalan ng bibisita, cellphone number, at ipinapakita rin ang mga vaccination card. Dahil sa pagdagsa ng mga bumisita sa sementeryo, nagdulot din ito ng pagbigat sa daloy ng trapiko sa skyway patungo sa Manila Memorial Park. Sanggunian: ABS-CBN News Kuha ang larawan mula sa ABS-CBN News Ibinalita ni: Paula Ross Alarcon

Malaki ang posibilidad na ibaba sa Alert Level 2 ang Metro Manila base sa pahiwatig ng health authorities at mga eksperto sa kabila ng inaasahang pagbabalik ng bilang ng COVID-19 cases sa pre-delta numbers. Matatandaang, una nang ibinaba sa Alert Level 3 ang Metro Manila kasabay ng paglubog ng kaso ng COVID. Ayon kay Health Undersecretary Maria Rosario Vergeire, nasa 11% ang positivity rate sa Metro Manila habang 17% naman sa national level. “Before the increase in cases last March and April, we were just averaging in the National Capital Region less than 500 a day. So I think that will be a comfortable number." pahayag niya. Sakop ng Alert Level 3 ang pagbubukas ng ilang business establishment na maaaring mag-operate ng 30% indoor venue capacity para sa fully vaccinated individuals at 50% outdoor venue capacity naman kung ang lahat ng kanilang empleyado ay fully vaccinated. Inaasahan ding bababa pa sa 1,000 ang mga bagong kaso kada araw sa pagtatapos ng buwan. Sa kabila nito, binanggit ni Vergerie na tinitignang basehan din ang healthcare utilization sa pagdedesisyon sa alert levels sa Metro Manila. Sanggunian: Philippine Star Kuha ang larawan mula sa The Straits Times Ibinalita ni: Ace John Herrera